ჯეი როჩის გადაღებული ფილმის, Bombshell, პირველი ტრეილერი გამოვიდა. მასში ოსკაროსანი შარლიზ ტერონი და ნიკოლ კიდმანი, და ნომინანტი მარგო რობი მონაწილოებენ.

ფილმის სიუჟეტი რეალურ მოვლენებზეა აგებული. Bombshell საიდუმლოზეა, რომელიც ამერიკულ ტელეარხ Fox-ში ჩურჩულით დაიწყო და გამანადგურებელ სენსაციად იქცა. ამერიკის სამი პრეზიდენტის მედია კონსულტანტი, დონალდ ტრამპის კამპანიის მრჩეველი და Fox News-ის დამფუძნებელი როჯერ აილსი თანამშრომელმა ქალებმა სექსუალურ შევიწროებაში 2016 წელს საჯაროდ დაადანაშაულეს.

კიდმანი და ტერონი Fox-ის რეალურ წამყვანებს, გრეტჩენ კარლსონსა და მეგან კელის ასახიერებენ, ხოლო მარგო რობი გამოგონილ პერსონაჟს, პროდიუსერ კაილა პოსპილს თამაშობს. კაილა იმ ქალების სახეა, რომლებიც სამსახურში სექსუალური შევიწროების მსხვერპლი გახდნენ.

ტრეილერი 2 წუთზე მეტხანს გრძელდება და მას ფონად ბილი აილიშის Bad Guy გასდევს. მასში ვხედავთ, რომ ქალები ბრძოლისთვის ემზადებიან, როდესაც ნიკოლ კიდმანის გმირს ტელეფონზე კითხვას უსვამენ:

"მზად ხარ ომისთვის?"

Bombshell-ის პრემიერა ამერიკაში 20 დეკემბერს შედგება.