უზენაესის მოსამართლეობის კანდიდატ ზაზა თავაძეს საკუთარი ციტატა თომას ჯეფერსონის გამონათქვამი ეგონა. ციტატა მას არასამთავრობო ორგანიზაცია დემოკრატიული ინიციატივის თავმჯდომარემ, გიორგი მშვენიერაძემ წაუკითხა და ჰკითხა; ეცნობოდა თუ არა ეს სიტყვები, ან იცოდა თუ არა, ვინ იყო ავტორი. პასუხად თავაძემ ჯეფერსონი დაასახელა.

"არა, თქვენ ხართ, ბატონო ზაზა. მომხსენებელი მოსამართლე იყავით ამ საქმეზე", — უთხრა მას მშვენიერაძემ.

"ვის შევადარე თავი. [იცინის]. ძაან მომეწონა. ნუ, ახლა ამერიკის მესამე პრეზიდენტად მე მაგის საშუალება არ მექნება, მარა... თუ, რა თქმა უნდა, თქვენ გადაწყვეტთ დადებითად, უახლოეს მომავლში არ მექნება", — განაცხადა თავაძემ პასუხად.