ჰარლი ქუინი DC-ის კომიქსების ერთ-ერთი ყველაზე შთამბეჭდავი პერსონაჟია, რომელიც მაყურებლების დიდ ნაწილს ფილმ Suicide Squad-დან განსაკუთრებით დაამახსოვრდებოდა. სიმართლე რომ ითქვას, მარგო რობიმ შეძლო და იმ არც ისე მომხიბვლელ ფილმში ლამის ერთადერთი საინტერესო პერსონაჟი შექმნა. ალბათ, სწორედ ამის დამსახურებით გადაწყვიტეს ამ გმირის შესახებ დამოუკიდებელი ფილმი გადაეღოთ.

Birds of Prey - ასე ჰქვია ფილმს, რომლის პირველ თრეილერშიც ერთმანეთზე უფრო საინტერესო, დაძაბული და სასაცილო კადრებია თავმოყრილი, რაც მისი ხილვის სურვილს კიდევ უფრო გვიმძაფრებს.

აღსანიშნავია, რომ ფილმი რეჟისორმა ქალმა, ჩინური წარმოშობის ამერიკელმა რეჟისორმა, ქეითი იანმა გადაიღო. ფილმის პრემიერა კინოთეატრებში 2020 წლის 7 თებერვალს შედგება.