ქუთაისის საოლქო საარჩევნო კომისიაში უბნებიდან მიღებულ შედეგებს ითვლიან. თუმცა, წინასწარი მონაცემებით, ბარიერის გადალახვა მაჟორიტარობის ვერცერთმა კანდიდატმა მოახერხა და სავარაუდოდ აღნიშნულ ოლქებში მეორე ტური გაიმართება.

49-ე საოლქო კომისიის თავდჯომარემ, ავთანდილ ოსეფაიშვილმა განმარტა, რომ ამ დროისთვის ხმების დაახლოებით 85%-ია დათვლილი:

"მოსალოდნელია სამივე ოლქში მესამე ტური, რაც შეეხება პროპორციულ მაჩვენებელს, 47-ე ოლქში ბარიერი ქართულმა ოცნებამ, ენმ-მ და პატრიოტთა ალიანსმა გადალახა. 48-ე ოლქში ქართულმა ოცნებამ, ენმ-მ და თავისუფალმა დემოკრატებმა. 49-ე ოლქში კი მხოლოდ ენმ-მ და ქართულმა ოცნებამ".

ოსეფაიშვილმა ქუთაისის ერთ-ერთ უბანზე გუშინ მომხდარ ინციდენტზეც ისაუბრა და განმარტა, რომ ინციდენტი არა უბანზე, არამედ მის გარეთ მოხდა. როგორც ცნობილია, აღნიშნულის გამო, კომისიისთვის ჯერ არცერთ არასმთავრობო ორგანიზაციას არ მიუმართავს.