ეროვნულ-დემოკრატიული ინსტიტუტის (NDI) კვლევის თანახმად, ხვალ რომ საპარლამენტო არჩევნები იყოს, მოსახლეობის 41 პროცენტი ხმის მისაცემად არ წავიდოდა. გამოკითხულთა 59 პროცენტი კი ამბობს, რომ არჩევნებში მონაწილეობას მიიღებდა.

ფოტო: NDI

მოსახლეობის 37 პროცენტი ამბობს, რომ ხვალ რომ საპარლამენტო არჩევნები ტარდებოდეს, გადაწყვეტილი აქვს, ვის მისცემდა ხმას, 57 პროცენტი კი ამბობს, რომ გადაწყვეტილება მიღებული არ აქვს.

კვლევა 2019 წლის 13-29 ივლისის პერიოდში ჩატარდა. გამოიკითხა საქართველოს მასშტაბით 2 131 ადამიანი პირისპირ ინტერვიუს წარმომადგენლობითი შერჩევის საფუძველზე. გამოკითხვის საშუალო ცდომილების ზღვარი არის +/- 1,7%.