ნატოს საპარლამენტო ასამბლეის პრეზიდენტმა, მედლინ მუნმა დღეს, 12 სექტემბერს თბილისში ვიზიტისას თქვა, რომ საქართველოს სჭირდება სტანდარტების გაზრდა და ნატოს წევრობისთვის ყველა კრიტერიუმის დაკმაყოფილება:

"თქვენ ახლა ამ გზას ადგახართ. ეს არ არის მარტივი გზა, ძალიან რთული გზაა. საქართველო ყოველთვის ჩვენს გონებაშია, ჩვენ არ დაგვვიწყებიხართ და გვსურს თქვენი წარმატება. იმოქმედეთ იმით, თუ რა იქნება სწორი საქართველოსთვის და თქვენ, როგორც ქვეყანას სად გსურთ რომ იყოთ".

ნატოს საპარლამენტო ასამბლეის პრეზიდენტი, მედლინ მუნი, ნატოს საპარლამენტო დელეგაციასთან ერთად ჩამოვიდა საქართველოში. დაგეგმილია შეხვედრები თავდაცვისა და უშიშროების კომიტეტის თავმჯდომარესთან, ნატოს საპარლამენტო ასამბლეაში საქართველოს პარლამენტის მუდმივმოქმედი დელეგაციის ხელმძღვანელთან, ირაკლი სესიაშვილთან და პარლამენტის საგარეო ურთიერთობათა კომიტეტის თავმჯდომარე სოფიო ქაცარავასთან.

ნატოს საპარლამენტო ასამბლეის პრეზიდენტი ასევე მოინახულებს ადმინისტრაციულ სასაზღვრო ზოლს სოფელ დიდ ხურვალეთში.

ამავე თემაზე: