როგორც წესი, მსოფლიოს ყველა საფეხბურთო სტადიონი ხმაურსა და მღელვარებასთან ასოცირდება, თუმცა, შვეიცარიელმა ხელოვანმა, კლაუს ლიტმანმა ყველაფერი თავდაყირა დააყენა.

საქმე ის არის, რომ ხელოვანმა ვიორტერზე სთედიუმზე 300 ხის მეშვეობით მონუმენტალური ინსტალაცია შექმნა — ამ გზით კლაგენფურტის საფეხბურთო სტადიონზე კლიმატური ცვლილებები გააპროტესტეს.

ფოტო: UNIMO

კრეატიული იდეა 30 წლის წინ, ავსტრიელი მხატვრის, მაქს პეინტნერის მიერ შექმნილი ნახატით იყო ინსპირირებული, რომელიც სტადიონზე შეკრებილ ხალხსა და მათ ცენტრში გაზრდილ ტყეს ასახავდა.

მაქსის შემოქმედებას "ტყისთვის — დაუსრულებელი ლტოლვა ბუნებისაკენ" ერქვა.

ფოტო: Max Peintner

აღსანიშნავია, რომ ინსტალაცია სხვადასხვა ჯიშის ხეებისგან შექმნეს, მათ შორისაა ასპენი, თეთრი ტირიფი, მუხა, ნეკერჩხალი და სხვა. მისი ნახვა კი ნებისმიერ მსურველს ოქტომბრის ბოლომდე შეუძლია.