ვენეციის საერთაშორისო კინოფესტივალზე ტოდ ფილიპსის ჯოკერმა საუკეთესო ფილმის წოდება და ოქროს ლომი მიიღო.

რამდენიმე დღის წინ ფილმის პრემიერა საკმაოდ ხმაურიანად შედგა, ფილმის დასრულების შემდეგ მაყურებელი ფეხზე წამოდგა, ოვაციები კი რვა წუთს გაგრძელდა.

ამავე ფესტივალზე, 2018 წელს საუკეთესო ფილმის წოდება ალფონსო კუარონის რომამ მიიღო, რასაც შემდეგ სამი ოსკარი მოჰყვა. ვენეციის კინოფესტივალზე გამარჯვებულ ფილმებს ოსკარზე ძირითადად კარგ მომავალს უწინასწარმეტყველებენ ხოლმე, ამ შემთხვევაში კი ისღა დაგვრჩენია მოვლენების განვითარებას დაველოდოთ.

ფილმის წარმატების მიუხედავად, საუკეთესო მსახიობის წოდება ხოაკინ ფენიქსს არ ერგო, პრიზი ლუკა მარტინელის გადაეცა, რომელიც ჯეკ ლონდონის წიგნის მარტინ იდენის ადაპტაციაში თამაშობს.

ამავე თემაზე: