რუსეთში მოღვაწე მომღერალმა, დიანა ღურწკაიამ დუმის არჩევნებში ვლადიმერ პუტინის პარტიის, ერთიანი რუსეთის კანდიდატის მხარდასაჭერად სიმღერა "მე ვერ ვხედავ სხვა კანდიდატს" შეარულა. ანდრეი მეტელსკის მხარდასაჭერი ღონისძიება მოსკოვში გაიმართა.

რუსული გამოცემა esquire.ru წერს, რომ ღურწკაიას შესრულებას არაერთგვაროვანი რეაქცია მოჰყვა. სოციალურ ქსელებში ღონისძიების ორგანიზატორების იდეა არაეთიკურად მიიჩნიეს და ნაწილმა თავად ღურწკაიაც გააკრიტიკა.

მოსკოვში დუმის არჩევნები ხვალ, 8 სექტემბერს გაიმართება. არასაპარლამენტო პარტიებიდან კანდიდატების კენჭისყრაში მონაწილეობისთვის საჭირო იყო რამდენიმე ათასი ისეთი ამომრჩევლის ხელმოწერა, რომლებიც შესაბამის ოლქში არიან რეგისტრირებული. არჩევნებისთვის რეგისტრაციაზე უარი უთხრეს რამდენიმე ოპოზიციონერ კანდიდატს. მათ შორის, არიან მოსკოველი დეპუტატები, ილია იაშინი და იულოია გალიამინა, ასევე კორუფციასთან ბრძოლის ფონდის თანამშრომლები ლიუბოვ სობოლი და ივან ჟდანოვი, პოლიტიკოსები დმიტრი გუდკოვი და სერგეი მიტროხინი. სწორედ ამას მოჰყვა მასშტაბური პროტესტი მოსკოვში. ოპოზიციის მხარდამჭერებმა კორუფციის წინააღმდეგ და სამართლიანი არჩევნების მოთხოვნით არაერთი აქცია გამართეს.