შინაგან საქმეთა სამინისტრომ ბავშვის დაჭრაში ბრალდებული 1968 წელს დაბადებული პირი დააკავა. დანაშაული 7-დან 10 წლამდე ვადით თავისუფლების აღკვეთას ითვალისწინებს.

გამოძიების ინფორმაციით, ბრალდებულმა მიმდინარე წლის 27 აგვისტოს, თბილისში პეკინის გამზირზე, 2015 წელს დაბადებულ მცირეწლოვანს, ცივი იარაღით დაზიანება მიაყენა და შემთხვევის ადგილიდან მიიმალა. სასწრაფო სამედიცინო დახმარების თანამშრომლებმა დაშავებული მცირეწლოვანი სტაციონარში მოათავსეს, მის სიცოცხლეს საფრთხე არ ემუქრება.

ფეისბუქით გავრცელებულ ვიდეოებში ჩანს, რომ დაზარალებული ბავშვი ქუჩაში ოჯახთან ერთად სეირნობდა, რა დროსა მას თავს დაესხნენ. შემდეგ კი ბრალდებულმა მეორე ბავშვეც სცადა თავდასხმა.

გამოძიება წინასწარი შეცნობით არასრულწლოვნის მიმართ ჯანმრთელობის განზრახ მძიმე დაზიანების ფაქტზე მიმდინარეობს, საქართველოს სისხლის სამართლის კოდექსის 117-ე მუხლის მე-5 ნაწილით.