ჩეის რობინსონს, რომელსაც რობერტ დე ნიროს პროდაქშენ კომპანიაში ერთ-ერთი მთავარი თანამდებობა ეკავა, ყოფილი დამსაქმებლები 6 მილიონ აშშ დოლარს ედავებიან.

რობინსონი, Canal Productions-ის ყოფილი ვიცე-პრეზიდენტი ფინანსების და პროდაქშენის საქმეებში, ბრალდებულია ფულის გაფლანგვაში და სამუშაო საათებში სატელევიზიო შოუების ყურებაში.

საჩივარში ნათქვამია, რომ რობინსონმა გააყალბა ხარჯები, რათა გადაეხადა ძვირადღირებული რესტორნების და სასტუმროების ჩეკები. ასევე პირადი მიზნებისთვის იყენებდა დე ნიროს ნაფრენ მილიონობით კილომეტრს.

როგორც საჩივარშია ნათქვამი, რობინსომა სამუშაო საათებში Netflix-ზე შოუების ყურებაში "ასტრონომიული რაოდენობის დრო" გაფლანგა. 4-დღიან პერიოდში მან მეგობრების 55 ეპიზოდის ნახვაც კი მოასწრო.

ყველაფრის მიუხედავად რობინსონი LinkedIn-ზე თავს კვლავ კომპანიის თანამშრომლად წარმოაჩენს.