დე ფაქტო სამხრეთ ოსეთის პრეზიდენტმა, ანატოლი ბიბილოვმა განაცხადა, რომ ოკუპირებული სამაჩაბლო რუსეთის შემადგენლობაში უნდა შევიდეს. ამის შესახებ ინფორმაციას მის დაქვემდებარებაში მყოფი მედია ავრცელებს.

ბიბილოვის მტკიცებით, სამხრეთ ოსეთის რესპუბლიკის რუსეთის შემადგენლობაში შესვლა ისტორიულ სამართლიანობას აღადგენს, რადგან "ერს გაყოფილად ცხოვრება არ შეუძლია". გაყოფილი ერის მაგალითად კი მან ჩრდილოეთ ოსეთის მოსახლეობა მოიყვანა.

"ამიტომ არცერთ შემთხვევაში არ შეიძლება შეიცვალოს იდეოლოგია, რომელიც ჩვენი გაერთიანებისკენაა მიმართული. იდეოლოგია კი ერთი უნდა იყოს: ოსი ერის გაერთიანება და მისი განვითარება რუსეთის ფედერაციაში", — განაცხადა მან.

ეს პირველი შემთხვევა არ არის, როდესაც დე ფაქტო პრეზიდენტი პრორუსულ განცხადებებს ავრცელებს. რუსეთისა და დე ფაქტო რეჟიმის მხრიდან მსავსი მოწოდებები განსაკუთრებით აქტიურდება ომის წლისთავზე.

ტერიტორია, რომელსაც რუსეთი და კიდევ რამდენიმე ქვეყანა სამხრეთ ოსეთის რესპუბლიკად აღიარებს სინამდვილეში საქართველოს ისტორიული რეგიონი სამაჩაბლოა, რომელიც რუსეთმა 2008 წლის ომის შემდეგ მიითვისა.