ნაციონალური მოძრაობის აქცია ვარდების მოედანზე მიმდინარეობს. პარტიის ერთ-ერთმა ლიდერმა დავით ბაქრაძემ შეკრებილებს მიმართა და ბოდიში მოუხადა დაგვიანებისთვის. მისი თქმით, მხარდამჭერები ისევ მოემატებათ:

"ხალხი ისევ მოგვემატება, ბევრი მათგანი საცობშია. მთავრობა რაღაც მეთოდებით ცდილობდა ხელის შეშლას და მეტროს გათიშვას, მაგრამ ბევრი ადამიანი გზაშია".

საპროტესტო აქციაზე დასასწრებად მოქალაქეები სხვადასხვა რაიონიდან ჩამოვიდნენ და ამბობენ, რომ აქციაში უკეთესი მომავლისა და ცვლილებებისთვის იღებენ მონაწილეობას.