ვარდების მოედანზე ერთიანი ნაციონალური მოძრაობის მხარდამჭერები პარტიის მიერ დაანონსებულ აქციაზე უკვე მივიდნენ.

რამდენიმე წუთის წინ აქციას თავისუფალი ზონის წევრებიც შეუერთდნენ. საპროტესტო აქციაზე დასასწრებად მოქალაქეები სხვადასხვა რაიონიდან ჩამოვიდნენ და ამბობენ, რომ აქციაში უკეთესი მომავლისა და ცვლილებებისთვის იღებენ მონაწილეობას.

ერთ-ერთი აქტივისტი On.ge-სთან საუბარში ამბობს, რომ დღეს გამართული აქცია მშვიდობიანია და მისი მიზანია, რომ ქვეყანაში პროცესები სიკეთისკენ შეტრიალდეს:

"რომ მარტო ჩვენს თავებზე არ ვიფიქროთ და ვიფიქროთ საწყალ ხალხზე, რომელსაც ძალიან უჭირს, პურის ფული არ აქვს და ნაგავში ქექავენ. აი, ამის გულისთვის ვართ. გვეგონა რომ უკეთესობისკენ შეიცვლებოდა სიტუაცია და უარესობისკენ შეიცვალა".

როგორც პარტიის ლიდერი, სერგი კაპანაძე აცხადებს, დღეს ენმ და მისი მხარდამჭერები ხელისუფლებას უგზავნიან გზავნილს, რომ ისინი მარცხდებიან არჩევნებში და 8 ოქტომბერს ენმ გაიმარჯვებს.

ერთიანი ნაციონალური მოძრაობის აქცია თბილისში, 5 ოქტომბერი, 2016.

ფოტო: თორნიკე მანდარია / On.ge

ერთიანი ნაციონალური მოძრაობის აქცია თბილისში, 5 ოქტომბერი, 2016.

ფოტო: თამუნა გეგიძე / On.ge

ამ წუთებში ერთიანი ნაციონალური მოძრაობის მხარდამჭერები პარტიის ლიდერების გამოსვლას ელოდებიან.