მხოლოდ ერთ დღეში გრენლანდიაზე 11 მილიარდი ტონა ყინული დადნა, რაც 4,4 მილიონ ოლიმპიურ საცურაო აუზს უდრის. ამის შესახებ CNN წერს. ეს 31 ივლისის მონაცემებია, რომელიც კინოდოკუმენტალისტმა 24 საათიანი დაკვირვებისას დააფიქსირა. მეცნიერების განცხადებით, მყინვარებისა და აისბერგების რეკორდული დნობა გრელანდიაზე ივლისის თვეში განსაკუთრებულად შესამჩნევი გახდა.

ყინულის რეკორდული დნობა ანომალიურმა სიცხეებმა და ციმბირის ტყის ხანძრებმა გამოიწვია. ამ ფაქტორების გათვალისწინებით, ყინულის დნობის რეკორდულ მაჩვენებელს მეცნიერები პროგნოზირებდნენ კიდეც.

გრენლანდია მსოფლიო ყველაზე დიდი კუნძულია, რომლის 82% ყინულითაა დაფარული. დანიის მეტეოროლოგიური სადგურის კლიმატის მეცნიერის რუთ მოთრამი ამბობს, რომ გრენლანდიაზე ყინულის დნობის მაჩვენებელი ყოველდღიურად იზრდება და 2019 წელს, 31 ივნისს, სწორედ, რეკორდულ მაჩვენებელს 56,5 პროცენტს მიაღწია.ის ვარაუდობს, რომ ეს მაჩვენებელი გაიზრდება იქამდე, სანამ ტემპერატურა არ დაიკლებს. მისი თქმით, მომდევნო დღეების პროფნოზი ტემპერატურის კლებაზე არ მეტყველებს და ყინულის დნობის მაჩვენებლის ზრდა ისევ გაგრძელდება.

გაეროს ინფორმაციით, გასულ თვეს გრენლანდიაში 160 მილიონი ტონა ყინული დადნა. სპეციალისტების ცნობით, ერთი თვის განმავლობაში გრელანდიიდან ატლანტის ოკეანეში 197 მილიარდი ტონა წყალი ჩაედინა, რაც საკმარისი რაოდენობაა იმისთვის, რომ მსოფლიო ოკეანეში წყლის დონემ ნახევარი მეტრით აიწიოს.

გრენლანდიაზე ყინულის დნობის მაჩვენებელი ექვსჯერაა გაზრდილი, რაც წყლის დონის მატებას იწვევს თითქმის ნახევარი საუკუნის განმავლობაში შეგროვებულ მონაცემების კვლევის შედეგად ირკვევა, რომ 1980-დან 1990 წლამდე გრენლანდიის მყინვარებმა 51 მილიარდი ტონა ყინული დაკარგეს, 2010-2018 წლებში კი 286 მილიარდი ტონა. შედეგი კი ის არის, რომ 1972 წლიდან დღემდე, მხოლოდ გრენლანდიის მიზეზით, ზღვის დონემ 14 მილიმეტრით აიწია და რაც ყველაზე საგანგაშოა, ამ მაჩვენებლის ნახევარი ბოლო 8 წელზე მოდის.