უჩა ნანუაშვილის განცხადებით, 8 ოქტომბერს და მომავალ დღეებშიც ომბუდსმენის აპარატი შესაძლო დარღვევების შესახებ ინფორმაციას ცხელი ხაზით მიიღებს, რადგან პროცესზე უშუალოდ დაკვირვების მანდატი მათ არ გააჩნიათ:

"არჩევნების დღეს თუ მას შემდეგ, სავარაუდო დარღვევის ფაქტზე აუცილებლად იქნება რეაგირება და ჩვენთან იმუშავებს 26 კაციანი მობილური ჯგუფი. ვითანამშრომლებთ მედიასთან და სხვა სადამკვირვებლო ორგანიზაციებთან. იმუშავებს ცხელი ხაზიც 14 81, ესაა სახალხო დამცველის აპარატის ცხელი ხაზი და რეაგირება იქნება ყველა დარღვევაზე".

ნანუაშვილის თქმით, ომბუდსმენის აპარატს არჩევნების დღეს უბნებზე კენჭისყრის მიმდინარეობის პროცესზე დაკვირვების უფლება არ აქვს და ასეთი მანდატი არასამთავრობოებსა და საერთაშორისო ორგანიზაციებს გააჩნიათ.

ამას გარდა, სახალხო დამცველის აპარატში შემქნილია 8 კაციანი ჯგუფი, რომელიც სასამართლოებზე არჩევნებთან დაკავშირებულ დავებს დააკვირდება.