ცნობილი ასტროფიზიკოს ნილ დეგრას ტაისონი, რომელიც ინტერნეტში პოპულარული ცნობილი მიმის გამო გახდა, ახალ კომპიუტერულ თამაშზე მუშაობს.

VR ანუ ვირტუალური რეალობის მოწყობილობებზე დაფუძნებული თამაში კოსმოსში მოგზაურობის საშუალებას მოგცემთ. თამაშში იქნება რეალური ფიზიკა და Minecraft-ის მსგავსი მშენებლობის ელემენტები.

ახალ ვირტუალურ სამყაროს Neil DeGrasse Tyson Presents: Space Odyssey ერქმევა.

თამაშის ტექნიკურ მხარეზე Whatnot Entertainment მუშაობს.

როგორც კომპანიის წარმომადგენელი ამბობს, თამაში ონლაინ მულტი-ფლეიერი იქნება და სამყაროსთან დაკავშირება ყველა პლატფორმიდან იქნება შესაძლებელი. მოთამაშეებს შეეძლებათ, შექმნან და განავითარონ საკუთარი პლანეტარული სისტემები. ხოლო თუ მოგზაურობა მოუნდებათ, მაშინ სხვა მოთამაშეების შექმნილი გალაქტიკების მონახულებაც შეეძლებათ.

გარდა მოთამაშეების შექმნილი სამეზობლო სისტემებისა, თამაშში შეგეძლებათ ესტუმროთ ბილ ნაის, ჯორჯ მარტინის, ნილ გეიმანისა და სხვა მეცნიერებისა და მწერლების შექმნილ გალაქტიკებსაც.

თამაშის ბეტა ვერსიის გამოშვება მომავალ წელს იგეგმება.