ლენტეხის რაიონში სოკოთი ინტოქსიკაციის შედეგად ერთი ადამიანი გარდაიცვალა, ორი კი ქუთაისის რეფერალურ საავადმყოფოს რეანიმაციულ განყოფილებაშია. რუსთავი 2-ის ინფორმაციით, მოწამლულები და გარდაცვლილიც ნათესავები იყვნენ.

კლინიკის დირექტორი, დავით ჯანაშია ჟურნალისტებთან საუბრისას ამბობს, რომ ერთი პაციენტი ადგილზე, მოწამვლიდან ნახევარ საათში გარდაიცვალა, ორი კი ფილტვების ხელოვნურ ვენტილაციაზეა.

"სოკოს ვერ ასახელებენ, მაგრამ ე.წ. მუსკარინის ტიპის მოწამვლა [მუსკარინის შემცველ შხამა-სოკოს გამოყენება] აღენიშნებათ", — ამბობს კლინიკის დირექტორი.