ქამბერბიჩები კიდევ ერთხელ დარწმუნდნენ, რომ იდეალური მამაკაცი უყვართ. მათთვის, ვინც არ იცის კამბერბიჩებით ბენედიქტ კამბერბეჩის, იგივე შერლოკის და დოქტორ სტრეინჯის ფანებს მოიხსენიებენ.

ხანგრძლივი კარიერის შემდეგ, ბრიტანული დახვეწილობით და შარმით სავსე მსახიობი მსოფლიომ შერლოკის წყალობით გაიცნო, შეიყვარა და შეიძლება ითქვას ამოიჩემა კიდეც.

ექსცენტრული, ქარიზმატული, ყოველმხრივ უცნაური გენიოსის პერსონაჟი ბენედიქტმა იმდენად კარგად მოირგო, რომ სხვა როლებშიც მსგავსი ამპლუით წარსდგა. იმიტაციის თამაშებში, მეხუთე ხელისუფლებასა და დოქტორი სტრეინჯში შესრულებული როლებით კამბერბეჩი კიდევ ერთხელ ევლინება მაყურებელს მასებისგან რადიკალურად განსხვავებული და გენიალური პერსონაჟის როლებში. მაგრამ მთავარია, არ დაგვავიწყდეს, რომ ის ფსიქოპატი კი არა, ფუნქციური სოციოპატია.

ინტერნეტში გავრცელებული ვიდეო ცხადყოფს, რომ ბენედიქტს მარტო მსახიობობაზე კი არა მომღერლობაზეც ჰქონია პრეტენზია. ასე აღმოჩნდა ის მსოფლიო მუსიკის გურუსთან, დევიდ გილმორთან ერთად სცენაზე და არც მეტი არც ნაკლები Pink Floyd-ის ლეგენდარული ალბომის The wall-ის არანაკლებ ლეგენდარული ჰიტი Comfortably numb შეასრულა.

აქ შეფასებებს მოვერიდებით, თქვენთვის მოგვინდია.