ჩრდილოატლანტიკური ალიანსის მდივნის ყოფილი მოადგილე, ალექსანდერ ვერბშოუ უარყოფს, რომ საქართველოში ელჩად დაინიშნა. ვერბშოუს დანიშვნის შესახებ ინფორმაცია 22 ივლისს ქართულ მედიაში გავრცელდა.

"ვამაყობ, რომ საქართველოს მეგობარი ვარ და მხარს ვუჭერ მის მისწრაფებებს ნატოსკენ, მაგრამ აშშ-ს ელჩად არ ავრჩეულვარ", — დაწერა ვერბშოუმ ტვიტერზე.

საქართველოში აშშ-ს ბოლო ელჩი იან კელი იყო და ის ამ თანამდებობაზე 2015 წელს დაინიშნა. მან 33-წლიანი დიპლომატიური კარიერა 2018 მარტში დაასრულა. თითქმის ერთ წელზე მეტია აშშ-ს საქართველოში ელჩი არ დაუნიშნავს. ელჩის მოვალეობებს ამ ეტაპზე ელიზაბედ რუდი ასრულებს.