საქართველოს და სენტ-კიტსი და ნევისის ფედერაციას შორის სავიზო რეჟიმი უქმდება. შეთანხმებას გაეროში საქართველოს ელჩი, კახა იმნაძე მოაწერს ხელს. უფლებამოსილება მას პრემიერ-მინისტრმა, მამუკა ბახტაძემ მიანიჭა.

სენტ-კიტსი და ნევისის ფედერაცია კარიბის ზღვის აღმოსავლეთ ნაწილში მდებარეობს. იგი სენტ-კიტსისა და ნევისის კუნძულებისაგან შედგება. დედაქალაქია ბასტერი, რომელიც კუნძულ სენტ-კიტსზე მდებარეობს.