კომპანია Mattel ბარბის ახალ ფიგურას გამოუშვებს, რომელიც ცნობილი მუსიკოსის, დევიდ ბოუის ერთ-ერთი საკულტო პერსონაჟს, Ziggy Stardust-ს განასახიერებს.

კომპანიაში ამბობენ, რომ ბარბი პატივს მიაგებს პოპკულტურის ლეგენდას, ინგლისელ მუსიკოსს და მსახიობს, დევიდ ბოუის, რომლის რადიკალური მუსიკალური ტრანსფორმაციებიც დღემდე აგრძელებენ ადამიანთა ინსპირირებას.

ბოუიმ ზიგი სტარდასტის პერსონაჟი პუბლიკას 1971 წელს გააცნო და 1972 წლის ალბომი The Rise and Fall of Ziggy Stardust and the Spiders From Mars მთლიანად მის გარშემო ააგო.

ეს არ არის პირველი შემთხვევა, როდესაც ბოუის ამ ერთ-ერთ ალტერ-ეგოს სხვადასხვა ფორმით უკვდავყოფენ. 2018 წლის მარტში, ქალაქში, სადაც დევიდ ბოუიმ Ziggy Stardust პირველად შეასრულა, მუსიკოსის ძეგლი დადგეს.