საქართველოს პრეზიდენტი სალომე ზურაბიშვილი ბოლო რამდენიმე დღეში განვითარებულ მოვლენებს პრესკონფერენციით გამოეხმაურა. სიტყვით გამოსვლის დროს მან რუსეთში მცხოვრებ საქართველოს მოქალაქეებს მიმართა:

"მე თქვენი პრეზიდენტი ვარ. ვიცი, ხელისუფლება ცდილობს, გააკეთოს ყველაფერის, რისი გაკეთებაც შეიძლება მოცემულ ვითარებაში, რათა გააგრძელოთ მშვიდად და სტაბილურად ცხოვრება".

სიტყვით გამოსვლა პრეზიდენტმა მიმართვით დაიწყო, რომ დესტრუქციულმა ძალებმა ქვეყნის საქართველოს დეესკალაცია არ უნდა სცადონ. მას რუსეთის ხელისუფლებასაც მოუწოდა, არ აჰყვნენ ესკალაციას:

"პარადოქსი იქნება თუ მეზობელი ქვეყანა მისივე დახასიათებით რადიკალი ძალებისგან წამოწყებულ პროვოცირებას უპასუხებს და ამით მათ დესტრუქციულ მიზნებს შეუწყობს ხელს. აქვე ხაზი უნდა გავუსვა იმასაც, რომ ჩვენი მშვიდობიანი პოლიტიკა არის ერთადერთი გზა ქვეყანაში და რეგიონში სტაბილურობის შესანარჩუნებლად".

სიტყვის დასასრულ პრეზიდენტმა საქართველოში ჩამოსულ სტუმრებს მიმართა და ქართული ტოლერანტობა შეახსენა.

"საქართველო ისტორიულად ტოლერანტობის სიმბოლოა და არ დავუშვებთ, რომ ეს ტრადიცია დაირღვეს. ქვეყნისთვის ყევლაზე დაძაბულ პერიოდშიც კი არ მომხდარა არც ერთი ინციდენტი, რომელიც საფრთხეს შეუქმნიდა საქართველოში მცხოვრებ უცხოელ მოქალაქეებს თუ უცხოელ სტუმრებს. ეს ასე გაგრძელდება", — აღნიშნა პრეზიდენტმა. სალომე ზურაბიშვილმა ჟურნალისტების კითხვებს არ უპასუხა.