მერილინ მენსონმა დაადასტურა, რომ ტელეარხი CBS-ის ახალ მინისერიალში ითამაშებს, რომელიც სტივენ კინგის The Stand-ის ადაპტაცია იქნება. მენსონი მუსიკოსი ლარი ანდერვუდის როლს შეასრულებს. ამავე სერიალის საუნდტრეკისთვის ვეტერანმა როკერმა The Doors-ის სიმღერა The End დააქავერა.

სერიალში ასევე ითამაშებენ: ჯეიმს მარსენი, ემბერ ჰერდი, ვუპი გოლდბერგი, გრეგ კინერი, ოდესა იანგი და ჰენრი ზაგა.

კინგის ნოველა პირველად 1978 წელს გამოიცა, 1990 წელს კი განახლდა. მოვლენები შეუჩერებელი ჭირით დაავადებულ სამყაროში ვითარდება, სადაც გადარჩენილები სიკეთის და ბოროტების ბრძოლაში აღმოჩნდებიან. არიან ადამიანები, ვინც 108 წლის აბაგაილის წინასწარმეტყველურ ცოდნას მისდევენ და არიან ისინიც, ვინც ყოვლად ბოროტი რანდალ ფლეგის მხარეს ირჩევს.

როგორც ცნობილია 10 სერია უკვე შეკვეთილია და რეჟისორი ჯოშ ბუნი მოსამზადებელ სამუშაოებს აწარმოებს.