"ვინც ბავშვივით თავს დაიმდაბლებს, ის საკუთარი თავით ღარიბია, ღმერთით კი მდიდარი." - რომის პაპმა ფრანცისკემ, დღეს, 1 ოქტომბერს, თბილის გამართულ მესაზე ქადაგებისას ღმერთისაგან ნუგეშის მიღებაზე უსაუბრა:

"ღმერთის ნუგეში მისაღებად, ერთი პირობა არსებობს, რომელსაც მისივე სიტყვა შეგვახსენებს. უნდა გავხდეთ ბავშვებივით მცირენი, ვემსგავსოთ დედის ხელში აყვანილ ყრმას, ღმერთის სიყვარულის მისაღებას აუცილებელია, გულის სიმცირე. ვინც თავს ბავშვივით დაიმდაბლებს, გვეუბნება იესო, ის არის უდიდესი ცათა სასუფეველში, ადამიანის ჭეშმარიტი სიდიადე ღმერტის წინაშე, საკუთარი თავის დამდაბლებაშია. ღმერთი ბრძნული აზრებითა და განსწავლულობით კიარა, მორჩილი და მიმნდობი გულის სიმცირით შეიცნობა. უზენაესის წინაშე დიდი ადამიანად ვერც მიწიერი პატივი და დიდება გვაქცევს, და ვერც ქონება და წარმატება. სწორედ, ბავშვია ის, ვისაც გასაცემი არაფერი არ აქვს, მისაღები კი ბევრი. იგი სუსტია, დედ-მამაზე დამოკიდებული.

ბავშვებს ღმერთის გაგება არ უჭირთ, ამიტომაც შეუძლიათ ბევრი რამ გვასწავლონ, კერძოდ კი ის, რომ ღმერთი დიად საქმეებს იმათთან სჩადის ვინც მას არ ეწინააღმდეგება, ვინც უბრალო, წრფელი და ორგულობისაგან თავისუფალია. ამას სახარებაც გვიდასტურებს, სადაც დიდი სასწაულები მცირე საგნებით ხდება, რამდენიმე პურითა და ორი თევზით, მდოგვის მარცვლითა და ხორბლის მარცვლით, რომელიც მიწაში კვდება".

დღესვე, პაპი ფრანცისკე კათოლიკური ეკლესიის წარმომადგენლებს შეხვედა შემდეგ კი მცხეთაში, სვეტიცხოვლის საკათედრო ტაძარს მოინახულებს. პაპის ვიზიტი ხვალ დილით, 2 ოქტომბერს სრულდება, რა დროსაც იგი აზერბაიჯანში გაემგზავრება.