კვენტინ ტარანტინო თანამედროვე კინო სამყაროს ერთ-ერთი საკულტო ფიგურაა. თუმცა რეჟისორს კინოდან წასვლა სურს. ალბათ ძალიან ცოტა ადამიანი მოიძებნება ისეთი, ვისაც მისი გადაწყვეტილება გაახარებს. პირველად, როდესაც ეს აზრი გაჟღერდა საზოგადოებამ პიარის ნაწილად აღიქვა, თუმცა როგორც ჩანს საქმე სერიოზულადაა. ჟურნალ GQ-ს ავსტრალიურ გამოცემასთან ის ამბობს:

თეატრალურ ფილმებზე ფიქრისას ვხვდები, რომ ჩემი გზის დასასრულს ვუახლოვდები. მგონია, რომ კინოს ის უკვე მივეცი, რაც უნდა მიმეცა. ვფიქრობ, მომავალში კინოზე წიგნების წერას დავიწყებ, თეატრის დრამატურგიაზე გადავერთვები და ისევ შემოქმედებითი დავრჩები.

ტარანტინოს ბოლო ფილმის ვარსკვლავი ბრედ პიტი ამ ყველაფერზე ასეთ კომენტარს აკეთებს:

მგონი არ ხუმრობს, მართლა სერიოზულად აქვს გადაწყვეტილი. ჩემთვის ეს ყველაფერი სევდისმომგვრელია, თუმცა მან უკეთ იცის როდის ეთიშებიან რეჟისორები თამაშს. სამომავლოდ სხვა გეგმები აქვს და კიდევ დიდხანს არ მოგვიწევს მასთან დამშვიდობება.

რეჟისორს საკუთარი ბოლო ფილმის შემდეგ სტარ ტრეკის ახალი ფილმის გადაღება აქვს დაგეგმილი, რომლის ოფიციალური სახელიც ამ ეტაპზე უცნობია. ეს მისთვის პირველი დიდი ფრენჩაიზი იქნება.