დღეს 2 ივლისს, თბილისში რიგით მე-13 მშვიდობიანი აქცია გაიმართება, რომელზეც სამოქალაქო აქტივისტები შს მინისტრის, გიორგი გახარიას გადაყენებას მოითხოვენ.

ზაფხულის აქციების ციკლის პარალელურად, საქართველოს და თბილისის პროტესტს მსოფლიოს სხვადასხვა კუთხიდან უჭერენ მხარს. მათ შორის არიან ელჩები, ემიგრანტები, სტუდენტები და უცხოეთის მოქალაქეები.

1. ლიეტუვა

ლიეტუვის რესპუბლიკის საგანგებო და სრულუფლებიანი ელჩი საქართველოში, გიედრიუს პუოჯუნასი, მოქალაქეებს ტვიტერიდან მოუწოდებს, რომ საქართველოში იმოგზაურონ და ტურისტულ ინდუსტრიას ხელი შეუწყონ.

2. შვედეთი

შვედეთის ელჩი საქართველოში, ულრიკ ტიდესტრომი ასევე ჩაერთო ონლაინ კამპანიაში, #SpendYourSummerInGeorgia და თავის გამომწერებს საქართველოში მთებში სტუმრობა ურჩია.

3. აშშ, ნიუ-იორკი

ნიუ-იორკში, გაეროს სათავო ოფისთან აქტივისტები თბილისში მიმდინარე აქციას, სირცხვილია, მხარდაჭერას უცხადებენ და გიორგი გახარიას გადადგომისკენ მოუწოდებენ.

4. ინგლისი

ანალიტიკოსი მაქს ფრასი მოგზაურებს საქართველოს მონახულებას ურჩევს.

5. აშშ

ამერიკის საელჩოს თანამშრომლები საქართველოში მოგზაურობის შთაბეჭდილებებზე ყვებიან და ქვეყანაში სტუმრობისკენ მოუწოდებენ.

6. დიდი ბრიტანეთი

ბრიტანეთის ელჩი საქართველოში, ჯასტინ მაკენზი სმიტი, ტვიტერზე წერს, თუ რა უყვარს საქართველოში ყველაზე მეტად.

7. Aer

ევროპის რეგიონთა ასამბლეა მოგზაურებს აჭარისა და იმერეთის ნახვას ურჩევს.

8. ლონდონი

ლონდონში არსებული ბიზნეს–პოლიტიკური საკონსულტაციო ფირმის მმართველი დირექტორი, დენიელ ჰამილტონი ლონდონის ონლაინ გაზეთიდან სქრინს აქვეყნებს და მომხმარებლებს საქართველოში მოგზაურობისკენ მოუწოდებს.

9. უკრაინა

უკრაინის ყოფილი პრეზიდენტი, პეტრო პოროშენკო უკრაინელ ხალხს მოუწოდებს, რომ საქართველოში დაისვენონ.

10. აშშ

საქართველოში ამერიკის შეერთებული შტატების ელჩის მოვალეობის შემსრულებელი, ელიზაბეთ რუდი სოციალურ კამპანიას, #SpendYourSummerInGeorgia-ს შეუერთდა და ტურისტებს მოუწოდა, ზაფხული საქართველოში გაატარონ.

ამავე თემაზე: