თბილისში, პირველი რესპუბლიკის მოედნიდან (ყოფილი ვარდების მოედანი) თავისუფლების მოედნის მიმართულებით თავისუფლების მარში დაიწყო.

მსვლელობას რამდენიმე ათასი ადამიანი მიუყვება და ისმის შეძახილები: "გახარია, წადი!"

თბილისში აქციები უკვე მეათე დღეა, რაც იმართება. პარლამენტის შენობასთან მოქალაქეები მას შემდეგ იკრიბებიან, რაც რუსმა დეპუტატმა საქართველოს პარლამენტის შენობაში, პარლამენტის თავმჯდომარის ადგილი დაიკავა. იმავე საღამოს, 20 ივნისს რუსთაველის გამზირზე ათასობით ადამიანი გამოვიდა, გვიან ღამით კი აქცია ძალის გადამეტებით დაშალეს. სწორედ ამის შემდეგ გაჩნდა მოთხოვნა შინაგან საქმეთა მინისტრის გადადგომის შესახებ.