განახლება: თბილისის სატრანსპორტო კომპანიის განცხადებით, მეტროს საბურთალოს ხაზზე მგზავრთა მომსახურება სრულად განახლდა.

სატრანსპორტო კომპანიის განცხადებით, ტექნიკური შეფერხების გამო თბილისის მეტროს საბურთალოს ხაზზე, მეტროსადგურები: ვაჟა-ფშაველა და სახელმწიფო უნივერსიტეტი 10:15 საათიდან შეფერხებით მუშაობს. მგზავრების მომსახურება მხოლოდ მეტროსადგურ დელისამდე არის შესაძლებელი.

კომპანიაში აცხადებენ, რომ შესაბამისი სამსახურის წარმომადგენლები პრობლემის აღმოსაფხვრელად მუშაობენ. მათი თქმით, მეტროსადგურები უახლოეს პერიოდში გაიხსნება. თბილისის მეტროს პირველი ხაზი (ახმეტელის თეატრი-ვარკეთილი) შეუფერხებლად მუშაობს.