რუსეთი აშშ-ში დაგეგმილ "დიდი ოცეულის" (G20) უმაღლესი დონის სამიტზე მიიწვიეს. ამის შესახებ ინფორმაციას, რუსეთის საგარეო საქმეთა მინისტრის მოადგილე ალექსანდრ პანკინზე დაყრდნობით, რუსული მედია ავრცელებს.

"არსებობს მოწვევა უმაღლეს დონეზე დასასწრებად, თუმცა ვნახოთ, თარიღთან უფრო ახლოს რა მოხდება, ღმერთმა უწყის, მანამდე რა იქნება", — განუცხადა პანკინმა ჟურნალისტებს გაეროში.

მანამდე რუსეთის წარმომადგენელმა G20-ში სვეტლანა ლუკაშმა აღნიშნა, რომ აშშ დიდ იმედს ამყარებს მომავალ სამიტში G20-ის ყველა ლიდერის მონაწილეობაზე. მისი თქმით, ამერიკული მხარე რუსეთის პრეზიდენტის, ვლადიმერ პუტინის შესაძლო ვიზიტისთვისაც ემზადება.