ნიკოლოზ მღებრიშვილი, მაკდონალდს საქართველოს IT დეპარტამენტის ხელმძღვანელი, პრესტიჟული გლობალური ჯილდოს, Shining Light Award-ის გამარჯვებული გახდა.

2025 წლის გამარჯვებულთა სიაში საქართველო ისეთი ქვეყნების გვერდით დასახელდა, როგორებიცაა ფინეთი, შვედეთი, საბერძნეთი, საუდის არაბეთი და სხვ. აღსანიშნავია, რომ ნიკოლოზ მღებრიშვილმა ჯილდო სერვისის კატეგორიაში მოიპოვა.

ეს ჯილდო 2020 წელს გლობალურმა მაკდონალდსმა დააფუძნა. მისი მიზანია იმ თანამშრომლების გამოვლენა, რომლებმაც საკუთარი შედეგებით განსაკუთრებული წვლილი შეიტანეს ქსელის მასშტაბურ წარმატებაში. გამარჯვების კრიტერიუმები მკაცრად განსაზღვრულია: კანდიდატმა უნდა დაამტკიცოს, რომ მის მიერ დანერგილი სისტემები სრულად პასუხობს ბრენდის ტექნოლოგიურ პროტოკოლებსა და უსაფრთხოებას. უპირატესობა ენიჭება ქვეყნებს, სადაც ციფრული გადაწყვეტები, როგორებიცაა: თვითმომსახურების ჯიხურები, აპლიკაციები, ლოიალობის პროგრამები პირველი ინერგება და ფასდება, რამდენად შეუწყო ხელი IT ინფრასტრუქტურამ სერვისის სისწრაფესა და ხარისხს.

“Shining Light Award -ის მიღება ჩემთვის დიდი პატივი და პასუხისმგებლობაა. ვფიქრობ ეს ჯილდო მთელი დეპარტამენტის მუშაობის შედეგია, რისთვისაც მადლობას ვუხდი მათ.“ — ამბობს ნიკოლოზ მღებრიშვილი.

ნიკოლოზი კიდევ ერთი ნათელი მაგალითია იმისა, თუ როგორ შეიძლება თანამშრომელმა კარიერულ წინსვლას მიაღწიოს მაკდონალდსში და საერთაშორისო აღიარება მოიპოვოს. ნიკოლოზ მღებრიშვილი მაკდონალდს საქართველოს გუნდს 10 წლის წინ შეუერთდა. იმ პერიოდში, როდესაც ბრენდმა ციფრული ტრანსფორმაცია დაიწყო. მისი მისვლა მაკდონალდს საქართველოში დაემთხვა დროს, როცა გუნდი ნერგავდა სისტემებს, რომლებიც მომხმარებლის გამოცდილებას უფრო პერსონალიზებულს, ხოლო ოპერაციულ მართვას უფრო ეფექტურს გახდიდა. დღეს მაკდონალდსი ტექნოლოგიურად ერთ-ერთი ყველაზე გამართული რესტორანია, რაც იმ მუშაობისა და იდეის შედეგია, რომელსაც საფუძველი წლების წინ ჩაეყარა.

“ხშირად მაკდონალდსს მხოლოდ რესტორნად აღიქვამენ, თუმცა რეალობა გაცილებით მასშტაბურია. ის მსოფლიოში ერთ-ერთი ყველაზე მაღალტექნოლოგიური პლატფორმაა. ჩემთვის ეს ჯილდო, პირველ რიგში, გაწეული შრომის დაფასებაა. თუმცა, არ არის მხოლოდ ერთი ადამიანის წარმატება — მთელი გუნდის გამარჯვებაა. ჩვენ დავამტკიცეთ, რომ საქართველოში დანერგილი სტანდარტები მსოფლიო მასშტაბით კონკურენტუნარიანია. მიზნად ვისაავთ, გლობალური სტანდარტები არა მხოლოდ დავნერგოთ, არამედ მათი შესრულების უმაღლესი ხარისხი უზრუნველვყოთ. საერთაშორისო აღიარება გვაძლევს კიდევ უფრო მეტად განვითარების მოტივაციას.” — ამბობს ნიკოლოზ მღებრიშვილი.

ნიკოლოზ მღებრიშვილმა გლობალური ჯილდო მომსახურების კატეგორიაში მოიპოვა. IT მიმართულება მაკდონალდსის გამართული მუშაობის მთავარი კომპონენტია. ტექნოლოგიური სრულყოფის მაღალი დონე, გლობალური სტანდარტების დანერგვა და ინოვაციური მიდგომები ის ფაქტორებია, რომლებმაც ნიკოლოზს საერთაშორისო აღიარება მოუტანა.

მაკდონალდსის ერთ-ერთი მთავარი პრიორიტეტი ყველა ადამიანისთვის დასაქმებისა და კარიერული განვითარების შესაძლებლობების შექმნაა. კომპანია მუდმივად ზრუნავს გუნდის წევრებზე, ხელს უწყობს მათ კარიერულ და პიროვნულ ზრდას. შედეგებიც შესაბამისია. ეს არ არის პირველი შემთხვევა, როცა მაკდონალდს საქართველოს თანამშრომელი იღებს საერთაშორისო ჯილდოს. 2020 წელს Shining light award-ის ჯილდო ბექა სტურუამაც მიიღო. ამის შემდეგ 2022 წელს, მაკდონალდს საქართველოს თანამშრომელს ეკატერინე ებრალიძეს, ორი საერთაშორისო ჯილდო Shining Light Awards და Global Development Hero’s გადაეცა, ხოლო Shining Light Award-ის 2023-ის ჯილდოს მფლობელი გახდა ადამიანური რესურსების მართვის დეპარტამენტის ხელმძღვანელი მარიამ ლაზარაშვილი.

2025 წლის Shining Light Award-ის გამარჯვებულთა სია შთამბეჭდავია და მასში საქართველო ისეთი ქვეყნების გვერდით არის, როგორებიცაა ფინეთი, შვედეთი, საბერძნეთი, საუდის არაბეთი და სხვ. EMEA 2025 Global Award Winners-ზე მოპოვებული ეს გამარჯვება კიდევ ერთი დასტურია იმისა, რომ მაკდონალდს საქართველო რეგიონში ლიდერია.