ჯეიმს ბონდის ახალი ფილმი Bond 25 2020 წლის აპრილში გამოდის. იქამდე კი ავტორები ვიდეოს ავრცელებენ, სადაც კადრს მიღმა სცენებია გაერთიანებული.

ფილმის პირველი ვიზუალის გამოქვეყნება საკმაოდ პოზიტიური ნიშანია, რადგან წარმოებისას ძალიან ბევრი პრობლემა შეიქმნა. როგორც ცნობილია მთავარი გმირის შემსრულებელმა დენიელ კრეიგმა გადაღებებზე ფეხი დაიზიანა და უმნიშვნელო ქირურგიული ჩარევა დასჭირდა.

ცოტა ხნის წინ ბონდის გადასაღებ მოედანზე, ქალების საპირფარეშოში ფარული კამერა აღმოაჩინეს. ამ საქმეზე 49 წლის პიტერ ჰარტლია დაკავებული

სიუჟეტის მიხედვით, ბონდი აქტიური აგენტი აღარ არის და იამაიკაზე მშვიდი ცხოვრებით ტკბება. თუმცა ეს ყველაფერი დიდხანს არ გრძელდება, რადგან მასთან ძველი მეგობარი ფელიქს ლიტერი მიდის დახმარების სათხოვნელად. მათი მიზანი გატაცებული მეცნიერის გადარჩენაა, რაც არც თუ ისე იოლია, როგორც თავიდან ჩანს. ამ ყველაფერს კი ბონდი ახალ ბოროტმოქმედთან მიჰყავს, რომელიც საშიში ტექნოლოგიითაა შეიარაღებული.