ბრიტანელმა ვეტერანმა მსახიობმა ჯუდი დენჩმა თქვა, რომ ჰარვი ვაინშტაინისა და კევინ სპეისის ნამუშევრები მათი ბრალდებებისგან უნდა გავმიჯნოთ. ვაინშტაინიც და სფეისიც სექსუალურ ძალადობაში არიან ბრალდებულნი, თუმცა ისინი დანაშაულს არ აღიარებენ.

დენჩმა ბრიტანულ ჟურნალ Radio Times-თან საუბრისას თქვა, რომ ყველაფრის მიუხედავად და ბრალდებების გათვალისწინებით, მათ ნამუშევრებს მაინც აქვთ რაღაც ღირსება.

უნდა დავივიწოთ ის 10 წელი რომელიც მან ოლდ ვიკის თეატრში გაატარა და ყველაფერი რაც ამ დროის განმავლობაში ქნა? ის ძალიან კარგი იყო ფილმებში. აღარ ვუყუროთ იმ ფილმებს, რომლებიც ჰარვი ვაინშტაინის პროდიუსერობით გამოვიდა? ასე უბრალოდ ვერ უარყოფთ ვიღაცის ტალანტს. ასე შეიძლება აღარასოდეს შეხედოთ კარავაჯოს ნახატებს. ასე ნოელ ქოვარდის უარყოფაც შეიძლება.

დენჩმა ახლახანს მოაწერა ხელი კონტრაქტს და ქოვარდის Blithe Spirit-ის ადაპტაციაში ითამაშებს. მსახიობმა 1999 წელს Shakespeare in Love-ში შესრულებული როლისთვის საუკეთესო მეორე ხარისხოვანი როლისთვის ოსკარი მიიღო. ფილმის პროდიუსერი ჰარვი ვაინშტაინი იყო.

შარშან მსახიობი იხსენებდა, თუ როგორ ეხმარებოდა კევინ სპეისი მას, როდესაც მისი მეუღლე გარდაიცვალა. თუმცა ასევე თქვა ისიც, რომ არ ამართლებს იმ ყველაფერს, რაშიც სპეისის ედება ბრალი. სფეროდან მის გარიყვას კი Radio Times interview-სთან ინტერვიუში აგონია უწოდა.

ჯუდი დენჩი და კევინ სპეისი 2004 წლის დაჯილდოებაზე.

ფოტო: Dave Benett / Getty Images

შეგახსენებთ, რომ კევინ სპეისმა 1986 წელს 14 წლის მსახიობთან ენტონი რაპთან სექსუალური კავშირის დამყარება სცადა. სექსუალურ შევიწროებაში სპეისი 2017 წელს დაადანაშაულეს, ბრალდების შემდეგ მსახიობმა განაცხადა, რომ გეია.

ჰარვი ვაინშტაინს კი 100-ზე მეტი ქალი სდებს ბრალს გაუპატიურებასა და სექსუალურ შევიწროებაში.

ამავე თემაზე: