ჰარვი ვაინშტაინი ათწლეულების განმავლობაში ჰოლივუდის გავლენიანი პროდიუსერი იყო, თუმცა მისი კარიერა იმ ქალებმა დაასრულეს, რომლებზეც ის წლების განმავლობაში ძალადობდა.

ვაინშტაინი პირველად მსახიობმა ეშლი ჯადმა, ნიუ-იორკ თაიმსისსაშუალებით ამხილა. მისი წერილის მიხედვით, ვაინშტაინმა, 90-იან წლებში, ის სასტუმროს ნომერში კონტრაქტის პირობებზე სასაუბროდ დაიბარა, შემდეგ კი დიალოგი სააბაზანოში შესთავაზა და მასთან ერთად შხაპის მიღება მოსთხოვა.

ამავდროულად გუშინ სამმა ქალმა ჰარვი ვაინშტაინი გაუპატიურებაში დაადანაშაულა. მათგან ერთ-ერთი იტალიელი მსახიობია, რომლის თქმითაც, ვაინშტაინს მასთან ძალადობით ჰქონდა ორალური და ვაგინალური სექსი. ოთხი ქალი ამბობს, რომ ვაინშტაინი მათ მათი ნების საწინააღმდეგოდ შეეხო. ქალების ნაწილის თქმით, ვაინშტაინი მათ წინაშე მასტურბირებდა.

ეშლი ჯადის გარდა, ჰარვის სექსუალური შევიწროების ბრალდებით უამრავი ქალი ადანაშაულებს, მათ შორის მისი ყოფილი ასისტენტები და ჰოლივუდის ისეთი გავლენიანი მსახიობები, როგორებიც არიან ანჯელინა ჯოლი და გვინეტ პელტროუ.

პელტროუ ყვება, რომ ვაინშტაინთან მაშინ მუშაობდა, როცა 22 წლის იყო და ფილმში Emma მთავარ როლში იღებდნენ.

გადაღებების წინ ჰარვიმ სასტუმროს ნომერში დაპატიჟა, სადაც ფიზიკურ ურთიერთობას და საძინებელში მასაჟის გაკეთებას სთხოვდს.

"ბავშვი ვიყავი და ეს ჩემთვის საშინელება იყო. უარის მიღების შემდეგ ის დიდხანს მიყვიროდა და მემუქრებოდა. ეს ჩემთვის დიდი ტრამვა იყო", - იხსენებს გვინეტ პელტროუ.

შეგახსენებთ იმასაც, რომ ჯერ კიდევ 2010 წელს პელტროუმ ერთ-ერთ ინტერვიუში განაცხადა, რომ მას როლის მიღების სანაცვლოდ ორალურ სექსს სთავაზობდნენ, პრესა ვარაუდობს, რომ გვინეტი მაშინ სწორედ ჰარვი ვაინშტაინზე საუბრობდა.

რაც შეეხება ანჯელინა ჯოლის, ის ამბობს, რომ ვაინშტაინთან დაკავსირებით საკუთარი, ცუდი გამოცდილება აქვს, ამის გამო კი გადაწყვიტა რომ მასთან არასდროს ეთანამშრომლა.

"ახალგაზრდობაში ძალიან ცუდი გამოცდილება მქონდა ჰარვი ვაინშტეინთან დაკავშირებით. საბოლოოდ კი გადავწყვიტე, რომ მასთან არ მემუშავა და სხვებიც გავაფრთხილე, ვინც, ჩემგან განსხვავებით, ამას აპირებდა", - იხსენებს ანჯელინა ჯოლი.

გუშინ ნიუ-იორკერმა პირველად გამოაქვეყნა 2015 წლის ჩანაწერი, რომელშიც ვაინშტაინი იტალიელ მოდელს, ამბრა გუტიერესს, აბაზანაში შეყოლას დაჟინებით სთხოვს. მოდელი უარობს, რადგან მისთვის წინა მსგავსი შემთხვევა უსიამოვნოდ დასრულდა, თუმცა ვაინშტაინი მას ეუბნება, რომ 5 წუთის გამო "მეგობრობას" ნუ დაანგრევს.

ჩანაწერის გავრცელებიდან რამდენიმე საათში ჰარვი ვაინშტაინის ცოლმა, ჯორჯიანა ჩაპმანმა, განქორწინებაზე შეიტანა საბუთები.

გაიგეთ მეტი: სექსუალური შევიწროება კინოინდუსტრიაში - ჰოლივუდი ჰარვი ვაინშტაინის წინააღმდეგ.