18 წლის მაკო გომური, რომელმაც თვალი სპეცრაზმის მიერ ნასროლი რეზინის ტყვიის შედეგად დაკარგა, საავადმყოფოდან გაწერეს. მაკოს საავადმყოფოში ოჯახის წევრები, ახლობლები და უცნობი ადამიანები ბუშტებითა და ტაშით შეხვდნენ. ისინი მაკოს მადლობას უხდიდნენ სიმამაცისთვის. მეგობრებმა მას კნუტიც აჩუქეს.

ფოტო: ანა ვახტანგაძე / On.ge

ფოტო: ანა ვახტანგაძე / On.ge

ფოტო: ანა ვახტანგაძე / On.ge

გამოსვლისას მაკომ მადლობა გადაუხადა ექიმებს, რომლებმაც თვალის გადარჩენა სცადეს.

"ნარკოზიდან რომ გამოვედი უამრავი შეტყობინება დამხდა. მოდი დავიწყოთ მადლობით. მართლა ყველას დიდი მადლობა იმ გვერდში დგომისთვის. რაც ძალა ახლა მე მაქვს, მაქვს იმ ადამიანებისგან. ისინი რომ არ ყოფილიყვნენ, მეც არ ვიქნებოდი. ყველამ ერთად უნდა ვიბრძოლოთ რაღაცეების მისაღწევად. მხოლოდ ერთეულები არ უნდა იყვნენ იქ, სადაც ვიყავით ყველა. როცა ვიბრძვით რაღაცის წინააღმდეგ ყველა ერთად უნდა ვიდგეთ იქ" - თქვა მაკომ.

მისი თქმით ამ ეტაპზე ეცდება რომ ცხოვრების ყოველდღიურ რეჟიმს დაუბრუნდეს.