რუსეთის საგარეო საქმეთა სამინისტროს სპიკერი, მარია ზახაროვა, სალომე ზურაბიშვილის განცხადებას, რუსი ტურისტების მასპინძლობაზე, ირონიით პასუხობს. იგი ფეისბუქის გვერდზე საქართველოს პრეზიდენტს ციტირებს და ამბობს, რომ განცხადება "კალკულატორის გამოყენების შემდეგ გაავრცელა":

"ზურაბიშვილმა ინტერვიუში განაცხადა: "ტურისტები რუსეთიდან უნდა ჩამოვიდნენ საქართველოში". აი ასე, პირდაპირ ვალდებული არიან ჩამოვიდნენ?
თქვენთან არიან ვალდებული? თუ საერთო ძმურ ემოციებთან?
არა, აშკარაა, რომ ახლა ძალიან ცდილობთ და ეს განცხადება უკვე კალკულიატორის გამოყენების შემდეგ გაავრცელეთ. მაგრამ უფრო მეტად უნდა სცადოთ. რუსეთიდან ტურისტების გამო არა ოღონდ, მათ სხვაგანაც აქვთ წასასვლელი, არამედ ხალხისთვის უნდა სცადოთ, რომელმაც აგირჩიათ.

ერთადერთი რაც "უნდა" ქნან რუსმა ტურისტებმა, არის ის რომ იგრძნონ არა მხოლოდ უსაფრთხოება, არამედ ის, რომ მათ იღებენ, როგორც ყველაზე ძვირფას სტუმრებს, რომ ისინი ჩამოვიდნენ დასასვენებლად და არ უნდა კითხულობდნენ შიდაპოლიტიკურ ამბებს და გვერდი არ უნდა აუქციონ მათ, როგორც საქართელოს ტურიზმის სამინისტრომ გვირჩია.

ყოველთვის, როცა ვინმე დაიწებს საუბარს ისტორიულ ან პოლიტიკურ თემებზე რუსეთიდან ჩამოსულ ტურისტს "უნდა" ესმოდეს საკუთარი მისამართით ტრადიციული კეთილმეგობრული ფრაზა "მაღლა, მაღლა მთებში".

ზუსტად ამ ემოციებისთვის, რომელიც შეიძლება გულიდან არ მოდიოდეს, თუმცა ჩვენ დარწმუნებული ვიყავით, რომ საქართველოში ეს გულიდან მოდიოდა, რუსი ტურისტები იხდიან ფულს. თუ არ განიცდით ამ ემოციებს და არც მზად ხართ ითამაშოთ, მაშინ არავინ არავის წინაშეა ვალდებული და რუსმა ტურისტმა არაფერი არ "უნდა" ქნას.

არაფერი პირადული, მხოლოდ ბიზნესი".

"ტურისტებმა უნდა გააგრძელონ ჩამოსვლა რადგან უყვართ საქართველო და პოლიტიკოსებმა და ლიდერებმა უნდა მოაგვარონ პრობლემები ძირეული", — ასე უპასუხა საქართველოს პრეზიდენტმა, სალომე ზურაბიშვილმა euronews-თან ინტერვიუში პუტინის გადაწყვეტილებას საქართველოში ფრენების აკრძალვის შესახებ.

თბილისში მიმდინარე საპროტესტო აქციის ფონზე, გუშინ, 22 ივნისს ცნობილი გახდა, რომ საქართველოს ავიაკომპანიებს რუსეთში ფრენებს აუკრძალავენ. ინფორმაცია რუსული გამოცემა TASS ავრცელებს. როგორც გამოცემას რუსეთის ტრანსპორტის სამინისტროში უთხრეს, შეზღუდვა 8 ივლისიდან ამოქმედდება.

21 ივნისს ვლადიმერ პუტინმა საქართველოს მიმართულებით რუსული ავიაკომპანიების ფრენები აკრძალა. "რუსეთის ნაციონალური უსაფრთხოების უზრუნველსაყოფად" ასე ჰქვია დოკუმენტს, რომელშიც პუტინი აცხადებს, რომ 2019 წლის 8 ივლისიდან რუსულ ავიაკომპანიებს, მათ შორის კომერციულებს დროებით ეკრძალებათ რუსეთის ფედერაციიდან საქართველოს მიმართულებით ფრენა.