Tbilisi Open Air-ის საორგანიზაციო ჯფუფმა ფეისბუქის გვერდზე სპეციალური განცხადება გაავრცელა.

"მეგობრებო, ქვეყანაში შექმნილი მდგომარეობა ნამდვილად არ გვაყენებს საფესტივალო განწყობაზე, ძალიან ვწუხვართ და ვბრაზობთ რუსთაველის გამზირზე განვითარებული მოვლენების გამო", - წერია განცხადებაში.

Tbilisi Open Air 2019 დღეს, 21 ივნისს, იხსნება. ფესტივალის მიერ გამოქვეყნებულ განცხადებაში ნათქვამია, რომ Open Air-ზე უკვე ჩამოვიდა ასეულობით არტისტი და დაგეგმილი ღონისძიებები აუცილებლად ჩატარდება.

"Tbilisi Open Air არ არის მხოლოდ მუსიკალური ფესტივალი, ეს არის სივრცე, რომელშიც თავისუფლების, როგორც ყველაზე დიდი ღირებულების გარშემო გაერთიანებული ადამიანები იყრიან თავს, უკვე მეათე წელია.

ამ დროისთვის უკვე ასეულობით არტისტი და სტუმარია ჩამოსული, საფესტივალო ქალაქი გაშენებულია და ჩვენ აუცილებლად ვიტყვით ჩვენს სათქმელს აქედან", - ვკითხულობთ განცხადებაში.

ფესტივალის საორგანიზაციო ჯგუფი აღნიშნავს, რომ გმობენ ძალადობას და აღიარებენ ერთადერთ ღირებულებას — თავისუფლებას.

"Tbilisi Open Air 2019 იწყება, ვგმობთ ძალადობას და ვაღიარებთ მხოლოდ ერთადერთ ღირებულებას - თავისუფლებას!"