პარლამენტის თავმჯდომარე ირაკლი კობახიძე აცხადებს, რომ მისი გადადგომის მოთხოვნაზე "სერიოზულ კომენტარს ვერ გააკეთებს". კობახიძის თქმით, ამას "კონკრეტული მიზეზები აქვს", თუმცა არ აკონკრეტებს რას გულისხმობს. ამის შესახებ მან ტელეკომპანია იმედის ეთერში ისაუბრა.

კობახიძის გადადგომა ოპოზიციურმა პარტიებმა მას შემდეგ მოითხოვეს, რაც პარლამენტის თავმჯდომარის სავარძელში რუსეთის დუმის დეპუტატი და კომუნისტური პარტიის წევრი სერგეი გავრილოვი დაჯდა და საქართველოს პარლამენტს რუსულ ენაზე მიმართა.