როგორ უნდა შევხედოთ დევიდ ლინჩის საკულტო ნამუშევრის, Twin Peaks-ის მესამე სეზონს (The Return)? ფილმად უნდა განვიხილოთ თუ სერიალად? ამის შესახებ დებატები კრიტიკოსებს შორის ისევ არ წყდება.

ამის შესახებ აზრი ამერიკელმა რეჟისორმა, ჯიმ ჯარმუშმაც გამოთქვა. როგორც ჩანს, ის ლეგენდარულ ფრანგულ კინოგამოცემას, Cahiers du Cinéma-ს ეთანხმება, რომელმაც ლინჩის 18 საათიანი ნამუშევარი 2017 წლის საუკეთესო ფილმად დაასახელა.

Vulture-სთან ინტერვიუში ჯიმ ჯარმუშმა თქვა — "პირადად ჩემთვის, ამერიკული კინოს საუკეთესო მაგალითი ამ ათწლეულში Twin Peaks: The Return გახლავთ. ეს 18 საათიანი ფილმია, რომელიც სიზმარივით გაუგებარი, ულამაზესი თავგადასავალია. ეს შედევრია. რატომ არ აძლევენ დევიდ ლინჩს იმდენ ფულს, რამდენიც სჭირდება? მას ფული სჭირდება, რომ რამე შექმნას, უბრალოდ მიეცით ფული, რატომ არ გესმით?"

აღსანიშნავია, რომ დევიდ ლინჩმა ცნობილი სერიალის გაგრძელების სცენარი კინემატოგრაფიულ სტილში დაწერა.