პროკურატურა: რუსთავი 2-ის იძულებით გადაცემის საქმეზე გამოძიების შეწყვეტის საფუძველი არ არსებობს
![](http://chandler.on.ge/2017/03/25/1449041042_58d6b84b29a05.jpg)
პროკურატურამ უპასუხა რუსთავი 2-ის დამფუძნებლების განცხადებას ხანდაზმულობის ვადის ამოწურვისა და გამოძიების გაგრძელების მოთხოვნაზე და განმარტა, რომ გამოძიება გრძელდება და ამ ეტაპზე მისი შეწყვეტის საფუძვლები არ არსებობს.
"შეწყვეტის საფუძველი არ არსებობს, რადგან ფაქტზე მიმდინარე გამოძიება სხვა ეპიზოდებსაც მოიცავს. ასევე საგულისხმოა, რომ საქმეში სხვადასხვა ეპიზოდების ერთიანობა და მათი ქმედებების დანაშაულებრივი შეფასება უზრუნველყოფს შემაჯამებელი გადაწყვეტილების მიღებას", — ნათქვამია პროკურატურის განცხადებაში.
უწყების განცხადებით, ინფორმაციის და მტკიცებულებების მოპოვება რთულია, რადან საქმეზე გამოძიება სავარაუდო დანაშაულის ჩადენიდან 8 წლის შემდგომ დაიწყო. მათი თქმით, აქედან გამომდინარე, საქმეში არ არსებობს კონკრეტულ პირთა მიმართ სისხლისსამართლებრივი დევნის დაწყებისთვის საჭირო სტანდარტი.
გამოძიება საქართველოს სისხლის სამართლის კოდექსის 333-ე მუხლის მე-3 ნაწილის "ბ" ქვეპუნქტით მიმდინარეობს, რაც გულისხმობს სამსახურებრივი უფლებამოსილების გადამეტებას ძალადობით ან იარაღის გამოყენებით.
რუსთავი 2-ის დამფუძნებლები, დავით დვალი და ჯარჯი აქიმიძე გამოძიების ვადის გახანგრძლივებას ითხოვდნენ, რადგან 16 ივნისს 15 წელი გავიდა და საქმის ხანდაზმულობის ვადა ამოიწურა.
რუსთავი 2-ის საქმე
ტელეკომპანია რუსთავი 2-ის დამფუძნებლებმა და ყოფილმა მფლობელებმა დავით დვალმა და ჯარჯი აქიმიძემ 2012 წელს დაიწყეს სამართლებრივ ბრძოლას რუსთავი2-ის 60 პროცენტიანი წილის სასამართლოს გზით დაბრუნებისთვის.
სამაუწყებლო კომპანია რუსთავი 2 1994 წელის 4 მარტს, შპს შპს საინფორმაციო-სარეკლამო სააგენტო გამა პლიუსის სახელით ჯარჯი აქიმიძემ, დავით დვალმა და ეროსი კიწმარიშვილმა დააფუძნეს. მას მერე კომპანიის მფლობელები დაახლოებით 20-ჯერ შეიცვალნენ. კომპანიის მფლობელები სხვადასხვა დროს სატელეკომუნიკაციო კომპანია ბილაინისა და საქართველოს მთავრობასთან დაახლოებული პირები იყვნენ.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები