საგარეჯოში, სოფელ ლამბალოს სკოლის მოსწავლეები ქიმიის მასწავლებელს სექსუალურ შევიწროებაში ადანაშაულებენ. კავშირ საფარის ხელმძღვანელის, ბაია პატარაიას ინფორმაციით, გოგოებმა ადგილობრივ აქტივისტს დახმარების თხოვნით თავად მიმართეს.

"ბავშვება თქვეს ეს ამბავი, მაგრამ არ უნდათ ამის გამო დირექციაში ან პოლიციაში სირბილი... გააგდეთ ეს კაცი სკოლიდან!", — წერს პატარაია Facebook-ზე.

სკოლის დირექტორმა On.ge-ს განუცხადა, რომ მათთვის არც მოსწავლეს და არც მშობელს არ მიუმართავს. მისივე ინფორმაციით, ქიმიის მასწავლებელმა პოლიციას შესაძლო ცილისწამებისთვის მიმართა. დირექტორი ამბობს, რომ მასწავლებელი თავისი ინიციატივით სასწავლო პროცესს ჩამოშორდა.

განათლების სამინისტროში On.ge-ს უთხრეს, რომ საქმე პროკურატურას გადაეგზავნა.