გარემოს დაცვა მეტ-ნაკლებად თითოეულ ჩვენგანს აღელვებს. თუმცა, დღეს განსაკუთრებულ შემთხვევაზე მოგიყვებით, რომელიც ბუნების სადარაჯოზე ყოფნისთვის ბევრი ადამიანის მნიშვნელოვანი მოტივაცია გახდება.

პეტ სმიტი 70 წლის ბრიტანელი ქალია, რომელმაც გასულ წელს ერთი საინტერესო, მაგრამ ძალიან სევდიანი დოკუმენტური ფილმი ნახა — BBC-ის ფილმი პლასტმასის ნარჩენებით გარემოს დაბინძურებას შეეხებოდა.

ფილმის ნახვის შემდეგ კი პეტმა გადაწყვიტა, რომ საახალწლოდ ძალიან მნიშვნელოვანი და საპასუხისმგებლო მიზანი დაესახა.

ქალი ყოველწლიურად დიდი ბრიტანეთის სამხრეთით 52 სანაპიროს ასუფთავებს და გადასაყრელად აგროვებს ისეთ ნარჩენებს, რომლებიც ბუნებას სერიოზულ საფრთხეს უქმნის.

70 წლის ბებომ ამ სასარგებლო საქმის გარშემო სხვა ადამიანების შემოკრებაც მოახერხა.

ფოტო: SWNS

ფოტო: SWNS

ფოტო: SWNS

"პეტი ყოვეთვის ამბობს, რომ მიუხედავად თვალსაჩინო პრობლემებისა, ადამიანები ხშირად გულხელდაკრეფილები არიან. მისი თავგანწირვა ბუნების გადასარჩენად კი სხვა ადამიანებისთვის მისაბაძი მაგალითია. ისინი მარტივად აცნობიერებენ, რომ მათი ძალისხმევა მნიშვნელოვანი და აუცილებელია", — ამბობს პეტის წარმომადგენელი.

ფოტო: SWNS

ფოტო: SWNS

ფოტო: SWNS

როგორც ხედავთ, ერთი ადამიანის მიზანდასახულობასაც კი შეუძლია ისეთი სერიოზული პრობლემის ნაწილობრივ გადაჭრა მაინც, როგორიც გარემოს დაბინძურებაა.