გადაცემაში შეხვედრები რეგიონულ მედიასთან ინფო რუსთავის კითხვაზე, თუ როგორია მისი პოზიცია ირაკლი ღარიბაშვილის საპრეზიდენტო არჩევნების ხილვაზე, ყოფილმა პრემიერმა ბიძინა ივანიშვილმა უპასუხა, რომ ის ამას მიესალმება:

"რატომაც არა პრინციპში, თუმცა შორსაა არჩევნები ჯერ. მაგ თემაზე მე ჯერ არავისთან მსჯელობა არ მქონია, მათ შორის არც ირაკლისთან მქონია ამაზე საუბარი. მე ვფიქრობ, რომ ნაადრევია. ირაკლის შეუძლია საქართველოს პოლიტიკაში მნიშვნელოვანი როლი ითამაშოს უახლოეს მომავალში და უფრო შორსაც. მე ვფიქრობ, რომ ძალიან ღირსეული კაცია და ღირსეულად წავიდა, გამარჯვებული კაცი წავიდა და არა დამარცხებული ან იძულებით. მე მივესალმებოდი მის გამოჩენას საპრეზიდენტო არჩევნებში, თუმცა 2 წელიწადი დიდი დროა. შეიძლება მანამდეც მოისურვოს მან გამოჩენა".

ივანიშვილის თქმით, ის ხშირად კითხულობს ირაკლი ღარიბაშვილს და მათ მეუღლეებსაც აქვთ ურთიერთობა. მან დასძინა, რომ ცოტა ხნის წინ, მისი შვილის ნათლობაზე წინ ესაუბრა ექსპრემიერს:

"ჩემი ბერა არის ირაკლის ერთ-ერთი ბავშვის ნათლია".