თელავის რაიონულმა სასამართლომ ცოლის მიმართ მუქარისა და ფიზიკური ძალადობისთვის ბრალდებულს 2-წლიანი პატიმრობა მიუსაჯა.

პროკურატურის მტკიცებულებებით, 2018 წლის 26 დეკემბერს ბრალდებული ახმეტის რაიონში, მისსავე საცხოვრებელ სახლში მეუღლეს ა.ხ-ს სიცოცხლის მოსპობით დაემუქრა, უყვიროდა, რომ არ აცოცხლებდა. სასამართლოზე დადასტურდა, რომ ბრალდებულმა 2018 წლის 29 დეკემბერს არასრულწლოვანი შვილის თანდასწრებით, ცოლზე ფიზიკურად იძალადა.

სამართალდამცველებმა იგი 2018 წლის 29 დეკემბერს დააკავეს. მას ბრალდება სისხლის სამართლის კოდექსის 126¹ მუხლის მეორე ნაწილის „ბ“ ქვეპუნქტით (ოჯახის ერთი წევრის მიერ ოჯახის სხვა წევრის მიმართ ძალადობა, ჩადენილი არასრულწლოვანის თანდასწრებით) და 111-151-ე მუხლის პირველი ნაწილით (ოჯახის ერთი წევრის მიერ სხვა წევრის მიმართ სიცოცხლის მოსპობისა მუქარა) წარედგინა.