საქართველოს დამოუკიდებლობის დღესთან დაკავშირებით აშშ-ს პრეზიდენტმა დონალდ ტრამპმა საქართველოს პრემიერ-მინისტრის, მამუკა ბახტაძეს მისალოცი წერილი გამოუგზავნა. ამის შესახებ ჟურნალისტებს საქართველოს საგარეო საქმეთა მინისტრმა დავით ზალკალიანმა განუცხადა.

მისი ინფორმაციით, წერილში საუბარია აშშ-სა და საქართველოს შორის თანამშრომლობაზე, საერთო ღირებულებებზე დემოკრატიული ინსტიტუტების კუთხით, საუბარია საქართველოს სუვერენიტეტისა და ტერიტორიული მთლიანობის მხარდაჭერაზე.

"არის გამოხატული მადლიერება იმ წვლილისთვის, რომელიც საქართველოს შეაქვს ტერორიზმის წინააღმდეგ ბრძოლაში, მხედველობაშია ის კონტრიბუცია, რომელიც ჩვენ შეგვაქვს პარტნიორებთან ერთად ავღანეთის მისიაში", — განაცხადა დავით ზალკალიანმა.

On.ge-ს მთავრობის ადმინისტრაციაში განუცხადეს, რომ ტრამპის წერილი საგარეო საქმეთა სამინისტრომ უნდა მიაწოდოს და შემდეგ გაასაჯაროვებენ.