NDI-ის კვლევის მიხედვით, გამოკითხულთა 50 პროცენტი თავს დასაქმებულად არ მიიჩნევს. ანალოგიურ კითხვაზე პროცენტული მაჩვენებელი 2018 წელს 60 იყო.

თავს დასაქმებულად გამოკითხულთა 41 პროცენტი მიიჩნევს. 2018 წლის აპრილის კვლევით, ეს მაჩვენებელი 39 პროცენტი იყო.

ფოტო: NDI

იმ 59 პროცენტიდან, რომელიც თავს დასაქმებულად არ მიიჩნევს, 35 პროცენტი ამბობს, რომ უმუშევარია და ეძებს სამსახურს; 24 პროცენტი პენსიონერია და არ არის დაინტერესებული სამსახურის ძებნით.

NDI-ის ცნობით, მოსახლეობის 21 პროცენტი აცხადებს, რომ არ არის დასაქმებული და ეძებს სამსახურს.

ფოტო: NDI

კვლევა საქართველოს მასშტაბით (ოკუპირებული ტერიტორიების გამოკლებით) 2019 წლის 28 მარტიდან 15 აპრილის ჩათვლით ჩატარდა. პირისპირ ინტერვიუს გზით წარმომადგენლობითი შერჩევით 2 927 ადამიანთან ჩატარდა. კვლევა, ასევე, წარმომადგენლობითია აზერბაიჯანული და სომხური დასახლებებისთვის. გამოკითხვის საშუალო ცდომილების ზღვარი არის 2,3 პროცენტი.

NDI კვლევებს დიდი ბრიტანეთის მთავრობის UK aid-ის ფინანსური ხელშეწყობით ატარებს, საველე სამუშაოები კი CRRC საქართველოს შესრულებულია.