NDI-ის კვლევის მიხედვით, მიხეილ სააკაშვილის მიმართ უარყოფითი დამოკიდებულება გამოკითხულთა 32 პროცენტს აქვს. ამის მიუხედავად, სააკაშვილიპოზიტიური დამოკიდებულების რეიტინგში თბილისის მერის კახა კალაძისა და ჯანდაცვის მინისტრის დავით სერგეენკოს შემდეგ, მესამე ადგილს იკავებს.

ქართული ოცნების თავმჯდომარის ბიძინა ივანიშვილის მიმართ უარყოფითი დამოკიდებულება გამოკითხულთა 39 პროცენტს აქვს, პოზიტიური — 21 პროცენტს. უარყოფითი დამოკიდებულებების რეიტინგში ბიძინა ივანიშვილის შემდეგ მეორე ადგილს გირჩის ლიდერი ზურა ჯაფარიძე 35 პროცენტით იკავებს.

საქართველოს პრეზიდენტის, სალომე ზურაბიშვილის მიმართ ნეგატიური და პოზიტიური დამოკიდებულებების მაჩვენებელი თითქმის თანაბარი 27-28 პროცენტია.

ფოტო: NDI

ფოტო: NDI

ფოტო: NDI

კვლევა საქართველოს მასშტაბით (ოკუპირებული ტერიტორიების გამოკლებით) 2019 წლის 28 მარტიდან 15 აპრილის ჩათვლით ჩატარდა. პირისპირ ინტერვიუს გზით წარმომადგენლობითი შერჩევით 2 927 ადამიანთან ჩატარდა. კვლევა, ასევე, წარმომადგენლობითია აზერბაიჯანული და სომხური დასახლებებისთვის. გამოკითხვის საშუალო ცდომილების ზღვარი არის 2,3 პროცენტი.

NDI კვლევებს დიდი ბრიტანეთის მთავრობის UK aid-ის ფინანსური ხელშეწყობით ატარებს, საველე სამუშაოები კი CRRC საქართველოს შესრულებულია.