სახლი ის ადგილია, სადაც თავს უსაფრთხოდ, მშვიდად ვგრძნობთ და დროს საყვარელ ადამიანებთან ერთად ვატარებთ. სახლი, ხშირად, ჩვენს მფლობელობაში არსებული ყველაზე ძვირადღირებული ქონებაა, რომლის მოსაპოვებლადაც უამრავი რესურსი და წლები დავხარჯეთ. ამის გათვალისწინებით, ლოგიკურია, რომ ერთი რამ, რაზეც აუცილებლად უნდა იზრუნოთ, თქვენი მყუდრო სახლის გაუთვალისწინებელი რისკებისგან დაცვაა.

საფრთხეებს, რომლებიც, შესაძლოა, თქვენს სახლს დაემუქროს, ახლავე ჩამოგითვლით.

1. თუ უთო ჩართული დაგრჩა და სახლში ხანძარი გაჩნდა

ხანძარი ერთ-ერთი დიდი საფრთხეა, რომელიც თქვენ სახლს შეიძლება დაემუქროს. ცეცხლის გაჩენა იმაზე მარტივია, ვიდრე წარმოგვიდგენია. ჩვენ ყოველდღურად არაერთ ელექტრონულ მოწყობილობას ვიყენებთ, იქნება ეს უთო, ფენი თუ რაიმე სხვა. გარდა ამისა, ხანძრის გამოწვევა გაუმართავ ელექტროგაყვანილობასაც შეუძლია, რომლის შესახებ თქვენ შეიძლება არც კი იცოდეთ.

2. თუ გადაუღებელმა წვიმამ სახლი დაგიტბორა

ფოტო: Guillaume Kurkdjian

სახლის დატბორვა ის საფრთხეა, რომელიც ყველამ სერიოზულად უნდა მივიღოთ. იმისათვის, რომ თქვენი სახლი დაიტბოროს, სულაც არ არის საჭირო, რომ სანაპიროზე ცხოვრობდეთ. ამისთვის მეზობლის, ან თუნდაც თქვენ მიერ დატოვებული მოშვებული ონკანიც კი საკმარისია. დატბორვა შეიძლება მილების დაზიანებამაც გამოიწვიოს.

3. თუ შვებულებიდან დაბრუნებულს სახლი დაცარიელებული დაგხვდა

სახლის მნიშვნელობაზე უკვე ვისაუბრეთ, მაგრამ ისიც უნდა ვთქვათ, რომ სახლზე არანაკლებ მნიშვნელოვანი იმ ყველაფრის დაცვაა, რაც სახლში გვაქვს. შესაძლოა, გაგიკვირდეთ, მაგრამ ბინებში შეჭრისა და ქურდობის შემთხვევების უმეტესი ნაწილი დღისით, სამუშაო საათებში ხდება. ეს ის რისკია, რომელიც ჩვენ აუცილებლად უნდა გავითვალისწინოთ.

4. თუ თავს მიწისძვრა ან ქარიშხალი დაგატყდა

ფოტო: Ryan Kidd

ბუნებრივი კატაკლიზმების გამო გლობალურ ეკონომიკას ყოველწლიურად ასეულობით მილიარდი დოლარის ზარალი ადგება. მიწისძვრა, ქარიშხალი, ტყის ხანძრები, მეწყერი, ზვავი, გრუნტის ჩამოშლა, ბუნებრივი კატასტროფები თავს შეიძლება ნებისმიერ დროს დაგვატყდეს, თანაც მათი წინასწარმეტყველება რთული, ხშირად კი შეუძლებელიც არის.

5. თუ ერთხელ შეცდომა შენც დაუშვი

ფოტო: Graham Cox

იმ ზიანზე, რომელიც შეიძლება თქვენ მოგადგეთ, უკვე ვისაუბრეთ. მაგრამ რა ხდება იმ შემთხვევაში, თუ ზიანის მიმყენებელი, უნებლიედ, თქვენ აღმოჩნდებით? შეცდომებისგან დაზღვეული არც ერთ ჩვენგანი არ არის, ხოლო უეცარი ხანძრის ან დატბორვის შემთხვევაში, ბუნებრივია, ზარალი შესაძლოა თქვენს მეზობლებსაც მიადგეთ. ამან, შესაძლოა, დამატებითი ხარჯები და სტრესი გამოიწვიოს, რაც თქვენს ინტერესებში ნამდვილად არ შედის.

ზემოთ ჩამოთვლილი რისკებისგან დაცული არავინაა და ეს ან სხვა მსგავსი უსიამოვნებები ნებისმიერ დროს შეიძლება შეგვემთხვას. ერთადერთი, რაც ამ უსიამოვნო შემთხვევების დროს შეგვიძლია, ფინანსური ზარალის თავიდან აცილებაა, რისთვისაც ქონების დაზღვევის სერვისი არსებობს.

თუ ფიქრობ, რომ საფრთხეების წინასწარ გათვლა და რისკების აწონ-დაწონა სწორი გადაწყვეტილებაა, საკუთარი სახლის დაზღვევა ალდაგის ქონების დაზღვევის სერვისით შეგიძლია, სპეციალური აქციის ფარგლებში კი 20%-იან ფასდაკლებასაც მიიღებ.