ეკონომიკის ყოფილი მინისტრი, გიორგი ქობულია პოლიტიკაში მოსვლას არ გამორიცხავს. ამის შესახებ მან ჟურნალისტებს პარლამენტში განუცხადა, სადაც დეპუტატებთან 4-საათიანი შეხვედრა ჰქონდა.

მისი განცხადებით, ის არ გამორიცხავს, რომ საქართველოში დარჩეს და აქ გააგრძელოს საქმიანობა. ყოფილი მინისტრი ამბობს, რომ თუ გადაწყვიტა პოლიტიკაში მოსვლა, მერე იტყვის, ვისთან ითანამშრომლებს.

დღეს, 15 მაისს, გიორგი ქობულია პარლამენტში დამოუკიდებელი და ქართული ოცნების დეპუტატების ნაწილის თხოვნით მივიდა. ეკონომიკის ყოფილმა მინისტრმა საკუთარი მოღვაწეობა შეაფასა და დაინტერესებული პირების კითხვებს უპასუხა.

პრემიერ-მინისტრმა, მამუკა ბახტაძემ გიორგი ქობულიას გათავისუფლების შესახებ ბრძანებას ხელი 18 აპრილს მოაწერა. 4 მაისს შაბათის კურიერში გავიდა ქობულიას კომენტარი, სადაც ის ამბობდა, რომ თანამდებობა თავისი ნებით არ დაუტოვებია.

ამავე თემაზე: