შინაგან საქმეთა მინისტრი, გიორგი გახარია ამბობს, რომ შინაგან საქმეთა სამინისტრო და პოლიცია გამოხატვის თავისუფლებას პატივს სცემს და ეს არაერთხელ დაუდასტურებიათ. ის ერთი წლის თავზე კლუბებში სპეცოპერაციას გამოეხმაურა.

"კიდევ ერთხელ ვაცხადებ, ვიცავდით გამოხატვის თავისუფლებას, დავიცავთ. როგორც მაშინ მომიტინგეების გამოხატვის თავისუფლებას ვიცავდით, ისე ახლა ბიუსტის გამოხატვის თავისუფლებას დავიცავთ", — აღნიშნა მინისტრმა.

შს მინისტრი ბასიანსა და კაფე გალერიში 12 მაისის მოვლენებთან დაკავშირებით აცხადებს, რომ კლუბური ნარკოტიკებით ინტოქსიკაციისა და გარდაცვალების ორი შემთხვევა ჰქონდათ:

"როგორც კი მსგავსი ეს პოზიტიური, გაუმჯობესებული მდგომარეობა გაუარესდება, ვერავინ ვერასდროს შინაგან საქმეთა სამინისტროს ვერ აუკრძალავს თავისი უფლებამოსილების განხორციელებას, არ იქნება დახურული ზონა".

პარლამენტთან შინაგან საქმეთა მინისტრის, გიორგი გახარიას ბიუსტი დაიდგა, რომელიც ბოდიშს მოგიხდით. როგორც ორგანიზატორები ამბობენ, ინსტალაცია 12 მაისის მოვლენების გახსენებაა.

ორგანიზატორის, სანდრო ჯავახიშვილის თქმით, აქციების შემდეგ მიღებული ბოდიშის გასახსენებლად ბიუსტს სპეციალური ღილაკი აქვს, რომელზე დაჭერისას შეგიძლიათ მინისტრისგან კიდევ ერთი ბოდიში მიიღოთ.

ამავე თემაზე: